SEBA Class X Science অধ্যায়-৬, জীৱন প্রক্রিয়া (Life Process)

 
অধ্যায়-৬, জীৱন প্রক্রিয়া (Life Process)


১। কেতিয়া আমি জীৱবিলাকক জীৱিত বুলি কওঁ ?

উত্তরঃ যেতিয়া জীৱবিলাকে শ্বাস-প্রশ্বাস লৈ  থাকে, তেতিয়াই আমি জীৱবিলাকক জীৱিত বুলি কওঁ ।


২। কেতিয়া আমি উদ্ভীদক জীৱিত বুলি কব পাৰো ?

উত্তরঃ যদি কোনো এক বস্তুয়ে চলন কাৰ্য  কৰে তেতিয়াই ই জীৱিত বোলি কোৱা হয় । উদ্ভিদৰ ক্ষেত্রত বৃদ্ধিৰ বাবে এনে চলন কাৰ্য সম্ভৱ হৈ উঠে । বীজৰ অঙ্কুৰণৰ লগে লগে বৃদ্ধি হ’বলৈ ধৰে । কিছুদিনৰ পাছত গঁজালিটো মাটি ফাঁটি ওপৰলৈ অলাই আহে যাক আমি  উদ্ভিদৰ চলন হিচাপে পৰিলক্ষিত হয় । তেতিয়াই আমি উদ্ভীদক জীৱিত বুলি কব পাৰো । কিন্তু ইয়াৰ বৃদ্ধি বন্ধ হ’লে ইয়াৰ চলন স্থবিৰ হৈ পৰে ।


৩।জীৱবিলাকৰ এটা উমৈহতীয়া বৈশিষ্ট্য লিখা ।।

উত্তরঃ বৃদ্ধি বা অন্য কিবা কাৰণে চলন ক্রিয়া সমাধা কৰা জীৱবিলাকৰ এটা উমৈহতীয়া বৈশিষ্ট্য ।


৪। দেহত কোনো আণৱিক চলাচল সংঘটিত নোহোৱা এটা জীৱৰ নাম লিখা ।

উত্তরঃ ভাইৰাছ ।


৫। জীৱৰ বাবে আণৱিক চলাচল কিয় প্রয়োজন?

উত্তরঃ জীৱবোৰ এক  নিৰ্দিষ্ট শৈলীৰে গঠিত । জীৱবোৰৰ কিছুমান নিৰ্দিষ্ট কলা থাকে, এই কলাবোৰ কোষৰে গঠিত আরু এই কোষবোৰৰ কিছুমান কোষ অংগানু থাকে । এই  সকলোবোৰ গঠন ৰাসায়নিক অণুৰে গঠিত । সেয়েহে অণুবিলাক সকলো সময়তে চাৰিওফালে চলাচল কৰি থাকিব লাগিব । তেতিয়াহে জীৱবিলাকৰ বিভিন্ন শৈল্যবোৰ সক্রিয় হৈ থাকিব আরু জীৱবিলাকৰ অস্তিত্ব ৰক্ষা  হ’ব ।


৬। জীৱন প্রক্রিয়া বুলিলে কি বুজা?

উত্তরঃ কোনো এক জীৱৰ অথবা জীৱবোৰৰ জীৱন ৰক্ষাৰ বাবে কিছুমান কাৰ্য আরু প্রক্রিয়া অব্যাহত থাকিব লাগে । যেনেকৈ শ্বাস-প্রশ্বাস, তেজ চলাচল, ৰেচন, পৰিপুষ্টি, পৰিবহন আদিসমূহ এই কাৰ্যসমূহৰ অন্তৰ্গত । এই প্রক্রিয়াবোৰ একত্রিতভাৱে জীৱন প্রক্রিয়া বোলা হয় ।


৭। জীৱন প্রক্রিয়াবোৰ চলিবলৈ কিহৰ প্রয়োজন ?

উত্তরঃ জীৱন প্রক্রিয়াবোৰ চলিবলৈ শক্তিৰ প্রয়োজন ।


৮। জীৱৰ বাবে লগা প্রয়োজনীয় শক্তি ক’ৰ পৰা আহে?

উত্তরঃ প্রত্যেক জীৱৰ বাবে লগা প্রয়োজনীয় শক্তি বহিঃ পৰিৱেশৰ পৰা আহে ।

১০। পৰিপুষ্টি (Nutrition) বুলিলে কি বুজা/ কাক বোলে ?

উত্তরঃ শক্তি বা আহাৰৰ উৎসৰ পৰা জীৱ  দেহৰ ভিতৰলৈ শক্তি স্থানান্তৰণৰ এক প্রক্রিয়া আছে । এই প্রক্রিয়াটোক পৰিপুষ্টি (Nutrition) বোলে/বোলা হয় ।


১১। পৃথিৱীত বাস কৰা জীৱবিলাক কি অণুৰ ওপৰত নিৰ্ভৰশীল ?

উত্তরঃ পৃথিৱীত বাস কৰা জীৱবিলাক কাৰ্বন সংযুক্তি অণুৰ ওপৰত নিৰ্ভৰশীল ।


১২। সৰহখিনি বা অধিকাংশক খাদ্যৰ উৎস কি?

উত্তরঃ সৰহখিনি বা অধিকাংশক খাদ্যৰ উৎস হ’ল- কাৰ্বন  ।


১৩। জীৱ দেহৰ অভ্যন্তৰত ভাগত চলা এক ৰাসায়নিক বিক্রিয়াৰ নাম লিখা ।

উত্তরঃ জীৱ দেহৰ অভ্যন্তৰত ভাগত চলা এক ৰাসায়নিক বিক্রিয়া  হ’ল- জাৰণ আরু বিজাৰন বিক্রিয়া ।


১৪। জাৰণ আরু বিজাৰণ বিক্রিয়া কি? জীৱৰ দেহত জাৰণ-বিজাৰণ প্রক্রিয়াৰ কাম কি?

উত্তরঃ জাৰণ আরু বিজাৰণ বিক্রিয়া হ’ল জীৱ দেহৰ অভ্যন্তৰত ভাগত চলা এক ৰাসায়নিক বিক্রিয়া যিয়ে জটিল অণুক সৰল পৰ্যায়লৈ পৰিৱৰ্তন কৰাত সহায় কৰে ।


১৫। খাদ্যৰ জটিল অণুক সৰল পৰ্যায়লৈ পৰিৱৰ্তন কৰা ৰাসায়নিক বিক্রিয়া বা প্রক্রিয়াটোৰ নাম কি?

উত্তরঃ খাদ্যৰ জটিল অণুক সৰল পৰ্যায়লৈ পৰিৱৰ্তন কৰা ৰাসায়নিক বিক্রিয়া বা প্রক্রিয়াটোৰ নাম হ’ল- জাৰণ আৰরু বিজাৰন প্রক্রিয়া ।


১৭। শ্বসন বুলিলে কি বুজা?

উত্তরঃ  জীৱই দেহৰ বহিঃ পৰিৱেশৰ অক্সিজেন আহৰণ কৰি লয় । এই অক্সিজেনৰ সহায়ত আহাৰবিলাকৰ পৰিৱৰ্তন ঘটাই কোষৰ ব্যৱহাৰোপযোগী কৰি তুলে । ইয়াকে শ্বসন (Respiration) বোলা হয় ।


১৮। কিয় এককোষী জীৱৰ ক্ষেত্রত আহাৰ গ্রহণ, গেছৰ আদান-প্রদান বা বৰ্জিত পদাৰ্থৰ নিষ্কাশনৰ বাবে কোনো বিশেষ অংগ নাথাকিলেও হয় বা প্রয়োজন নহয় ?

উত্তরঃ এককোষী জীৱৰ ক্ষেত্রত আহাৰ গ্রহণ, গেছৰ আদান-প্রদান বা বৰ্জিত পদাৰ্থৰ নিষ্কাশনৰ বাবে কোনো বিশেষ অংগ নাথাকিলেও হয় বা প্রয়োজন নহয়, কাৰণ এককোষী জীৱৰ গোটেই দেহটোয়েই পৰিৱেশৰ লগত প্রত্যক্ষভাৱে বা পোনে পোনে সান্নিধ্যত থাকে ।


১৯। এককোষী জীৱই কি প্রক্রিয়াৰে আহাৰ গ্রহণ, গেছৰ আদান-প্রদান বা বৰ্জিত পদাৰ্থৰ নিষ্কাশন কৰে?

উত্তরঃ এককোষী জীৱই ব্যাপন (Diffusion) প্রক্রিয়াৰে আহাৰ গ্রহণ, গেছৰ আদান-প্রদান বা বৰ্জিত পদাৰ্থৰ নিষ্কাশন কৰে ।


২০। বহুকোষী জীৱৰ ক্ষেত্রত কিয় ব্যাপন (Diffusion) প্রক্রিয়াৰে আহৰণ কৰা লাগতিয়াল দ্রব্যবোৰ কোষৰ বাবে পৰ্যাপ্ত নহয়?

উত্তরঃ বহুকোষী জীৱৰ ক্ষেত্রত সকলোবিলাক কোষ প্রত্যক্ষভাৱে চাৰিওপাশৰ পৰিৱেশৰ লগত সান্নিধ্যত নাথাকে । সেয়েহে সাধাৰণ ব্যাপন (Diffusion) প্রক্রিয়াৰে আহৰণ কৰা লাগতিয়াল দ্রব্যবোৰ বহুকোষী জীৱৰ কোষৰ বাবে পৰ্যাপ্ত নহয় ।



২১। কিয় আমার দেহর অভ্যন্তরত আহার আরু অক্সিজেনর পরিবহনর বাবে বিশেষ প্রক্রিয়ার প্রয়োজন হয় ?

উত্তরঃ আহার আরু অক্সিজেন আহরণ আমার দেহর কোনো এক অংশতহে সংঘটিত হয় । সেয়ে দেহর সকলো অংশলৈ এই আহার আরু অক্সিজেন বিয়পি যোৱাতো প্রয়োজন । সেয়ে আমার দেহর অভ্যন্তরত আহার আরু অক্সিজেনর পরিবহনর বাবে বিশেষ প্রক্রিয়ার প্রয়োজন হয়  যাতে আমার দেহর সকলো কোষে ইয়ার অংশীদার হ’ব পারে ।


২২। রেচন ক্রিয়া কাক বোলে ?

উত্তরঃ জীৱ দেহর অভ্যন্তরত কাৰ্বন আরু অক্সিজেন ব্যৱহার করি শক্তি উৎপন্ন করা রাসায়নিক বিক্রিয়াবিলাক চলি থাকোতে কিছুমান বৰ্জিত পদাৰ্থ উৎপন্ন হয় । এইবোর দেহর পরা বাহির করাটো অতিকৈ প্রয়োজন । জীৱৰ দেহত থকা রেচন অংগসমূহে এই অলাগতিয়াল পদাৰ্থসমূহ বাহির করি দিয়ে । এনেদরে বৰ্জিত পদাৰ্থ জীৱৰ দেহর পরা নিষ্কাশন করা প্রক্রিয়াটোক রেচন ক্রিয়া (Excertion) বোলে ।


২৩। শক্তির উৎস বা খাদ্য আমার দেহত প্রয়োজনীয়তা কি ?

উত্তরঃ আমার দেহর বিকাশ, বৃদ্ধি, প্র’টিন সংশ্লেষণ আরু আন আন রাসায়নিক উপাদানর কারণে দেহর বাহিরর পরা কিছুমান উপাদান বা শক্তির উৎস বা খাদ্য গ্রহণ করিব লগা হয় । আমি যিকোনো কাৰ্য করিবর বাবে যি শক্তির প্রয়োজন হয়, এই শক্তিও খাদ্যর পরাই দেহর কোষবোরে গ্রহণ করে । লগতে, একো ক্রিয়া কলাপ জড়িত নহ’লেও আমার শরীর সুচারুরূপে পরিচালনা আরু জীয়াই থাকিবর বাবে খাদ্যর প্রয়োজন হয় ।


২৪। স্ব-পোষী আরু পরপোষী জীৱ কাক বোলে ? উদাহরণ দিয়া ।

অথবাঃ জীৱই সিহঁতর খাদ্য আহরণ কেনেকৈ করে ?

উত্তরঃ যিবোর জীৱই নিজর আহার নিজে প্রস্তুত করি লয় আরু আন কোনো জীৱৰ ওপরত নিৰ্ভৰ করে সেইজীৱবোরক স্ব-পোষী জীৱ বোলা হয় । অৰ্থাৎ কিছুমান জীৱই সরল অজৈৱিক উৎস, বিশেষকৈ কাৰ্বন ডাই অক্সাইড (CO2) , পানী (H2O) আদির জৈৱ রাসায়নিক বিক্রিয়া ঘটাই খাদ্য আহরণ করে । এইদরে খাদ্য আহরণ করা জীৱসমূহক স্ব-পোষী (Autotroph) বোলে । উদাহরণ- সকলো প্রকারর সেউজীয়া উদ্ভিদ, কিছুমান বেক্টেরীয়া আদি ।

    যিবোর জীৱই নিজর আহার নিজে প্রস্তুত করি ল’ব নোৱাৰে আরু আন স্ব-পোষী জীৱৰ ওপরত নিৰ্ভৰ করে সেইজীৱবোরক পরপোষী জীৱ বোলা হয় । অৰ্থাৎ যিবোৰ জীৱই প্রত্যক্ষ আরু পরোক্ষভাৱে জীয়াই থাকিবর বাবে স্ব-পোষীজীৱৰ ওপরত নিৰ্ভৰ করিব লগা হয় । উদাহরণ- ভেঁকুর(Fungi), প্রাণীসমূহ (Animals) আদি ।


২৫। খাদ্যর জটিল অৱস্থাক সরল অৱস্থালৈ পরিৱৰ্তন করিবর বাবে জীৱই কার সহায় লয় ?

অথবাঃ প্রাণীসমূহে বা মানুহর দেহাই খাদ্যর জটিল অৱস্থাক সরল অৱস্থালৈ পরিৱৰ্তন করিবর বাবে কি ব্যৱহার করে ?

উত্তরঃ খাদ্যর জটিল অৱস্থাক সরল অৱস্থালৈ পরিৱৰ্তন করিবর বাবে জীৱই জৈৱ অনুঘটক (Bio-Catalyst) ব্যৱহার করে । এই জৈৱ অনুঘটকবোরক উতসেচক (Enzyme) বোলে ।


২৬। উৎসেচক কি বা কাক বোলে? উদাহরণ দিয়া ।

অথবাঃ জীৱদেহত উৎসেচকে কেনেদরে সহায় করে বা জীৱদেহত ইয়ার প্রয়জনীয়তা কি?

উত্তরঃ খাদ্যর জটিল অৱস্থাক সরল অৱস্থালৈ পরিৱৰ্তন করিবর বাবে জীৱই জৈৱ অনুঘটক (Bio-Catalyst) ব্যৱহার করে । এই জৈৱ অনুঘটকবোরক উৎসেচক (Enzyme) বোলে ।

      আমি খাদ্য হিচাপে গ্রহণ করা আহারর জটিল অৱস্থার পরা কোষে গ্রহণ করিব পরা সরল অৱস্থালৈ এই উৎসেচক সমূহে সহায় করে ।

     আমার দেহর দুবিধ প্র’টিন বিশ্লেষিত উৎসেচক হ’ল- পেপচিন আরু শ্লেষ্মা (mucus) ।


২৭। পরপোষী জীৱবোরে প্রত্যক্ষ আরু পরোক্ষভাৱে কিহর ওপরত নিৰ্ভরশীল ?

উত্তরঃ পরপোষী জীৱবোরে প্রত্যক্ষ আরু পরোক্ষভাৱে স্ব-পোষী জীৱর ওপরত নিৰ্ভরশীল ।


২৮। স্ব-পোষীয় জীৱই প্রয়োজনীয় কাৰ্বন আরু শক্তি কি প্রক্রিয়ার দ্বারা সংগ্রহ করে ?

উত্তরঃ স্ব-পোষীয় জীৱই প্রয়োজনীয় কাৰ্বন আরু শক্তি সালোক সংশ্লেষণ প্রক্রিয়ার দ্বারা সংগ্রহ করে ।


২৯। উদ্ভিদে কেনেকৈ শক্তি আহরণ করে?

অথবাঃ সালোক সংশ্লেষণ প্রক্রিয়াটো লিখা ।

অথবাঃ কিহে শক্তির যোগান ধরে ? উদ্ভিদর ব্যৱহার নোহোৱা কাৰ্বহাইড্রেটসমূহ কি হয় ?


উত্তরঃ স্ব-পোষী জীৱ বা উদ্ভিদে বহিঃপরিৱেশর পরা আহরণ করি লোৱা কাৰ্বন ডাই অক্সাইড আরু পানী সূৰ্যৰ পোহরর উপস্থিতিত পত্রহরিৎ (Chlorophyll)র সহায়ত কাৰ্বহাইড্রেটলৈ পৰিৱৰ্তন করে । প্রথমে, পোহর শক্তিক পত্রহরিৎর দ্বাৰা শোষণ করে । দ্বিতীয়তে, এই পোহর শক্তিক রাসায়নিক শক্তিলৈ পরিৱৰ্তন করে । তৃতীয়তে, শিপার সহায়ত গ্রহণ করা পানীর অণুক হাইড্র’জেন আরু অক্সিজেনলৈ পৃথকীকরণ করে । চতুৰ্থতে, কাৰ্বন ডাই অক্সাইড বিজারণর দ্বাৰা কাৰ্বহাইড্রেট উৎপন্ন করে । এই প্রক্রিয়াটোকে সালোক সশ্লেষণ প্রক্রিয়া বোলে ।


কাৰ্বহাইড্রেট বোরেই কামত লাগি উদ্ভিদক শক্তির যোগান ধরে । যিখিনি কাৰ্বহাইড্রেট লগে লগে ব্যৱহার নহয় সেইবোর শ্বেতসার হিচাপে সঞ্চিত হৈ থাকে । এই সঞ্চিত শ্বেতসারর পরা প্রয়োজন সাপেক্ষে উদ্ভিদে শক্তি হিচাপে আহরণ করে ।

আমি খাদ্য হিচাপে গ্রহণ করা খাদ্যবোরর পরা আহরণ করা শক্তি আমার দেহত গ্লাইক’জেন হিচাপে সঞ্চিত হৈ থাকে ।  


৩০। স্ব-পোষী জীৱই কেনেকৈ পরিপুষ্টি বা খাদ্য সংগ্রহ করে ?

উত্তরঃ স্ব-পোষীয় জীৱই প্রয়োজনীয় কাৰ্বন আরু শক্তি সালোক সংশ্লেষণ প্রক্রিয়ার জরীয়তে সংগ্রহ করে । স্বপোষীয় জীৱই বহিঃ পরিৱেশর পরা আহরণ করা কিছুমান দ্রৱ্যক পরিৱৰ্তন ঘটাই নিজর দেহত শক্তি হিচাপে সঞ্চিত করিব পারে । এইবোর জীৱই বহিঃ পরিৱেশর পরা আহরণ করি লোৱা কাৰ্বন ডাই অক্সাইড আরু পানী সূৰ্যৰ পোহরর উপস্থিতিত পত্রহরিৎ (Chlorophyll) র সহায়ত কাৰ্বহাইড্রেটলৈ পরিৱৰ্তন কৰে ৷

যিখিনি কাৰ্বহাইড্রেট লগে লগে ব্যৱহার নহয় সেইবোর শ্বেতসার হিচাপে সঞ্চিত হৈ থাকে । এই সঞ্চিত শ্বেতসারর পরা প্রয়োজন সাপেক্ষে শক্তি হিচাপে আহরণ করে ।



৩১। ব্যৱহৃত নোহোৱা কাৰ্বহাইড্রেট কি হিচাপে উদ্ভিদর দেহত সঞ্চিত হৈ থাকে ?

উত্তরঃ ব্যৱহৃত নোহোৱা কাৰ্বহাইড্রেট শ্বেতসাৰ হিচাপে উদ্ভিদর দেহত সঞ্চিত হৈ থাকে ।


৩২। আমি খাদ্য হিচাপে গ্রহণ করা খাদ্যবোরর পরা আহরণ করা শক্তি আমার দেহত কি হিচাপে সঞ্চিত হৈ থাকে ?

উত্তরঃ আমি খাদ্য হিচাপে গ্রহণ করা খাদ্যবোরর পরা আহরণ করা শক্তি আমার দেহত গ্লাইক’জেন হিচাপে সঞ্চিত হৈ থাকে ।  


৩৩। গ্লুক’জর সংকেত কি ?

উত্তরঃ গ্লুক’জর সংকেত হ’ল- C6H12O6


৩৪। হৰিৎকণা বা পত্রহৰিৎ কি ? ই ক’ত থাকে ?

উত্তরঃ উদ্ভিদর পাতত থকা কোষত কিছুমান সেউজীয়া বরণর বিন্দু থাকে । এই সেউজীয়া বরণর বিন্দুবোরেই হ’ল- হরিৎকণা (Chloroplast)নামর কোষ অংগানু । এই হরিৎকণাতে পত্রহরিৎবিলাক সিঁচরতি হৈ থাকে । হৰিৎকণা বা পত্রহৰিৎ পাতর কোষত থাকে ।


৩৫। পত্ররন্ধ্র কাক বোলে? ইয়ার কাম কি ?

উত্তরঃ উদ্ভিদর পাতর উপরিভাগত নিচেই সরু সরু কিছমান রন্ধ্র থাকে । এই রন্ধ্রবোরকে পত্ররন্ধ্র বোলে ।

    সালোক সংশ্লেষণ প্রক্রিয়ার বাবে লাগতিয়াল বিশাল পরিমাণর গেছর আদান প্রদান আরু অতিরিক্ত পানীভাগ এরি দিবর বাবে পত্ররন্ধ্রর মাজেরে সংঘটিত হয় ।


৩৬। গেছর আদান-প্রদান বাবে উদ্ভিদর কি কি অংগর মাজেরে হয় ?

উত্তরঃ গেছর আদান-প্রদানর বাবে উদ্ভিদর পত্ররন্ধ্র, কাণ্ড আরু শিপার উপরিভাগর মাজেরে হয় ।


৩৭। কেতিয়া পত্ররন্ধ্রর ছিদ্র মুকলি আরু বন্ধ হয় ? অথবাঃ পত্ররন্ধ্রর বন্ধ আরু মুকলি পরিঘটনাটো লিখা । পত্ররন্ধ্রর ছিদ্র মুকলি আরু বন্ধ পরিঘটনাটো কোনে নিয়ন্ত্রণ করে ?

উত্তরঃ সালোক সংশ্লেষণ প্রক্রিয়ার বাবে কাৰ্বন ডাই অক্সাইডর প্রয়োজন হো‍ৱাৰ সময়ত পত্ররন্ধ্রর ছিদ্র মুকলি হয় । রক্ষী কোষ দুটালৈ পানী সোমালে সিঁহত স্ফীত হৈ পরে ফলত পত্ররন্ধ্রর ছিদ্র মুকলি হয়।

 সালোক সংশ্লেষণ প্রক্রিয়ার বাবে কাৰ্বন ডাই অক্সাইডর প্রয়োজন নোহো‍ৱাৰ সময়ত পত্ররন্ধ্রর ছিদ্র বন্ধ হয় । যেতিয়া রক্ষীকোষ দুটা সংকুচিত হয় তেতিয়া পত্ররন্ধ্রর ছিদ্র বন্ধ হৈ পরে ।

    পত্ররন্ধ্রর ছিদ্র মুকলি আরু বন্ধ পরিঘটনাটো পত্ররন্ধ্রর রক্ষীকোষ দুটাই কিছুমান কাৰ্যৰ মাধ্যমেদি নিয়ন্ত্রণ করে ।


৩৮। উদ্ভিদে সালোক সংশ্লেষণর বাবে লাগতিয়াল পানী ক’র পরা আরু কিহেরে শোষণ বা আহরণ করে ?

উত্তরঃ স্থলজ উদ্ভিদে সালোক সংশ্লেষণ প্রক্রিয়ার বাবে লগা লাগতিয়াল পানীভাগ মাটির পরা শিপার সহায়েরে শোষণ করি লয় ।


৩৯। উদ্ভিদক লাগিতিয়াল হোৱা বা উদ্ভিদে গ্রহণ করা আনবোর দ্রৱ্যর নাম লিখা । এই দ্রৱ্যবোর উদ্ভিদে ক’র পরা আহরণ করে?

উত্তরঃ উদ্ভিদক লাগিতিয়াল হোৱা বা উদ্ভিদে গ্রহণ করা আনবোর দ্রব্য হ’ল- নাইট্রেজেন, ফচফরাচ্, আইরন, মেংগানিজ আদি । এই দ্রৱ্যবোর উদ্ভিদে মাটির পরা আহরণ করে ।


৪০। উদ্ভিদর বাবে নাইট্রেজেন মৌল কিয় প্রয়োজনীয় ? নাইট্রেজেন মৌলক উদ্ভিদে কি হিচাপে গ্রহণ করে ?

উত্তরঃ উদ্ভিদর বাবে নাইট্রেজেন মৌলবিধ প্র’টিন আরু অন্যান্য কিছুমান যৌগ  সংশ্লেষণর কারণে অতি প্রয়োজন । নাইট্রেজেন মৌলক উদ্ভিদে অজৈৱ নাইট্রেট আরু নাইট্রাইট হিচাপে গ্রহণ করে ।


৪১। বেক্টেরীয়াই নাইট্রজেন মৌল ক’র পরা আহরণ করে?

উত্তরঃ বেক্টেরীয়াই নাইট্রজেন মৌল বায়ুমণ্ডলর পরা আহরণ করে ।


৪২। পরপোষিত জীৱ কাক বোলে? এই পরপোষীয় জীৱবোরে পরজীৱিয় পুষ্টি বা পরপোষিত পুষ্টি কেনেদরে লাভ করে/আহরণ করে?

উত্তরঃ যিবোর জীৱই নিজর আহার নিজে তৈয়ার করি লব নোৱাৰে আরু অন্য দ্রৱ্য বা প্রাণীর ওপরত নিভর করে । সেই জীৱবোরক পরপোষিত জীৱ বোলে ।

    কিছুমান জীৱই দেহর বাহিরত পচন হোৱাৰ পাছত সরল অৱস্থার আহারে দেহে শোষণ করি লয় । উদাহরণস্বরূপে- পুরণা রুটীত গঁজি উঠা ভেকুঁর বিশেষকৈ ইষ্ট, কাঠফুলা আদিয়ে এই ধরণে খাদ্য সংগ্রহ করে ।

    কিছুমান জীৱই খাদ্যভাগ সম্পূৰ্ণভাৱে আহরণ করি দেহর ভিতরত ইয়াক পাচিত করে ।

    কিছুমান জীৱই উদ্ভিদ আরু প্রাণীক নমরাকৈয়ে সিঁহতর পরা নিজর পুষ্টি আহুণ করে । উদাহরণস্বরূপে- চিকরা(Tick), ওকনি (Lice), জোক (Leeches), ফিটাপেলু(Tape-warm), আকাশীলতা আদি ।


৪৩। এককোষী জীৱই কেনেদরে পুষ্টি আহরণ করে? এমিবা আরু পেরামেচিয়াম নামর এককোষী জীৱকেইবিধে কেনেদরে পুষ্টি গ্রহণ করে বা খাদ্যগ্রহণর প্রক্রিয়াটো লিখা ?

উত্তরঃ এককোষী জীৱর খাদ্য আহরণ বা পুষ্টি আহরণ করিবর বাবে ইহঁতর দেহর বহিরাবরণখনে খাদ্যবস্তু সংগ্রহ করে । জীৱসমূহর দেহর গঠনর জটিলতা হিচাপে বিভিন্ন কাৰ্য সম্পাদন করিবর কারণে নিৰ্দিষ্ট অংগসমূহর সৃষ্টি হয় ।

    এককোষী জীৱ এমিবার দেহত কোষাবরণর দ্বারা সৃষ্টি হোৱা এবিধ আঙুলি সদৃশ কূটপদর সৃষ্টি হয় । এই কূটপদর জরীয়তে এমিবাই খাদ্য সংগ্রহ করি খাদ্য রক্তিকাৰ (Food Vacuole) সৃষ্টি করে । খাদ্য রিক্তিকার ভিতরত জটিল খাদ্যবস্তু সরল অৱস্থালৈ পরিৱৰ্তন হয় । পাছর পৰ্যায়ত, সরল খাদ্যভাগ কোষ প্রসরত বিলিন হৈ পরে । লগতে, অপাচিত খাদ্যভাগ কোষর প্রান্তীয় স্থানলৈ গতি করে । অৱশেষত, কোষর পরা অপাচিত খাদ্যবস্তু নিৰ্গত হয় ।

    পেরামেচিয়াম নামর এককোষী জীৱবিধর কোষর নিৰ্দিষ্ট আকৃতি আছে আরু খাদ্য বস্তু কোষটোর নিৰ্দিষ্ট অংশতহে সংগৃহীত হয় । দেহাবরনত আগুরি থকা চিলিয়ার চলনর জরিয়তে খাদ্যবস্তু এই নিৰ্দিষ্ট অংশলৈ কঢ়িয়াই নিয়ে ।    


৪৪। উৎসেচক কি? ইয়ার কাম কি? লালটিত থকা উৎসেচকবিধর নাম কি আরু ইয়ার ব্যৱহার লিখা? দুবিধ প্র’টিন বিশ্লেষিত উৎসেচকর নাম লিখা ।

উত্তরঃ জটিল প্রকৃতির আহারবোর পাচন নলীত পাচন হবর বাবে সরল অৱস্থালৈ পরিৱৰ্তন করাটো অতিকৈ প্রয়োজন ।। জৈৱ অনুঘটকর সহায়ত এই জটিল আহারক সরলীকরণ করা হয় । এই জীৱ অনুঘটক (Biocatalyst) সমূহক উৎসেচক (Enzyme) বুলি কোৱা হয় ।

    লালটিত থকা উৎসেচকবিধর নাম হ’ল- লালটি এমাইলেজ । আহার চোবাই থাকোঁতে জিভার জরিয়তে লালটির সৈতে মিহলাই দিয়া হয় । ইয়ার সহায়ত মুখ গহ্বরত খাদ্যর শ্বেতসার অংশ ভাঙি সরল চেনিলৈ পরিৱৰ্তিত হয় ।

    দুবিধ প্র’টিন বিশ্লেষিত উৎসেচকর নাম হ’ল- পেপচিন আরু শ্লেষ্মা ।


৪৫। পাচন নলীরে পশ্চাৎ অংশলৈ গতি করা প্রক্রিয়ার/গতির নাম কি ?

অথবাঃ অপাচিত খাদ্যভাগ কেনেদরে দেহর পশ্চাৎ অংশলৈ গতি করে ?

উত্তরঃ অপাচিত খাদ্যখিনি পাচন নলীর নিৰ্দিষ্ট লয়যুক্ত সংকোচনর দ্বারা পাচন নলীর পশ্চাৎ অংশলৈ গতি করে । এইদরে গোটেই পাচন নলীতেই ‘পেরিচটেলটিক’ নামর এক বিশেষ গতিরে খাদ্যাংশ পশ্চাৎ দিশলৈ গতি করে ।  


৪৬। পাচন নলীর আটাইতকৈ ডাঙর অংশ কি?

উত্তরঃ পাচন নলীর আটাইকৈ ডাঙর অংশর নাম হ’ল- পাকস্থলী ।


৪৭। পাকগ্রন্থি বোলিলে কি বুজা ? পাকগ্রন্থির পাচক রসত কি কি থাকে?

উত্তরঃ পাকস্থলীত পাচক রস নিঃসরণ করা গ্রন্থিবোরক পাকগ্রন্থ বুলি কোৱা হয় ৷ পাকগ্রন্থির পাচক রসত হাইড্র’ক্লরিক এছিড (HCl) আরু প্র’টিন বিশ্লেষিত উৎসেচক-পেপচিন আরু শ্লেষ্মা আদি থাকে ।


৪৮। পাকস্থলী রস কিয় আম্লিক?  


উত্তরঃ পাকস্থলী রসত হাইড্র’ক্লরিক এছিড থাকে । সেয়েহে পাকস্থলী রস আম্লিক ধৰ্মীয় । 


৪৯।  শ্লেষ্মার কাম কি?

উত্তরঃ শ্লেষ্মাই পাকস্থলী বেরখনর অন্তঃ আৱরণখনক সাধারণ অৱস্থাত এছিডর ক্রিয়ার পরা সুরক্ষা দিয়ে ।


৫০। পাকস্থলিত হাইড্র’ক্লরিক এছিডর (HCL) কাম কি?

উত্তরঃ পাকগ্রন্থির পাচক রসত হাইড্র’ক্লরিক এছিড থাকে । এই হাইড্র’ক্লরিক এছিড থকার বাবে পাকস্থলী রস আম্লিক ধৰ্মীয় । এই হাইড্র’ক্লরিক এছিডর বাবে পেপচিনর কাৰ্য তীব্র হৈ পরে আরু পাচনত সহায় করে ।


৫১। এচিডিটি কাক বোলে ?

উত্তরঃ পাকগ্রন্থির পাচক রসত হাইড্র’ক্লরিক এছিড থাকে । এই হাইড্র’ক্লরিক এছিড থকার বাবে পাকস্থলী রস আম্লিক ধৰ্মীয় । আমার দেহত খাদ্য নাথাকিলে বা আমি খাদ্য গ্রহণ নকরিলে, পাকস্থলী বেরখনর অন্তঃ আৱরণখনক এই এছিডে ক্রিয়া করে । ইয়াকে এচিডিটি বুলি কোৱা হয় ।     


৫২। দুটা পাচক গ্রন্থির নাম লিখা ।

উত্তরঃ দুটা পাচক গ্রন্থির নাম হ’ল- যকৃত (Liver) আরু অগ্নাশয় ।


৫৩। তৃণভোজী প্রাণীর ক্ষুদ্রান্তটো দীঘল হোৱাৰ প্রয়োজন কি?

উত্তরঃ তৃণভোজী (Herbivores) প্রাণীর ক্ষুদ্রান্তটো অতি দীঘল । ঘাঁহ জাতীয় উদ্ভিদত চেলুল’জ থাকে । এই চেলুল’জ পাচন করিবর বাবে ইহঁতর ক্ষুদ্রান্ত দীঘল আরু পাক খোৱা অতি প্রয়োজন ।  


৫৪। কিয় বাঘ বা আন মাংসভোজী প্রাণীর ক্ষুদ্রান্তটো চুটি ?

উত্তরঃ প্রাণীর মাংস পাচন ক্রিয়া সরল । সেয়েহে মাংসভোজী প্রাণী বিশেষকৈ বাঘর ক্ষুদ্রান্তটো চুটি ।


৫৫। কোনটো অংশত খাদ্যর শৰ্কৰা, প্র’টিন আরু চৰ্বীসমূহর সম্পূৰ্ণভাৱে পাচন হয় ?

উত্তরঃ পাচন নলীর ক্ষুদ্রান্ত অংশতে খাদ্যর শৰ্কৰা, প্র’টিন আরু চৰ্বীসমূহর সম্পূৰ্ণভাৱে পাচন হয় ।




৫৬। পাচক রস নিঃসরণ করা দুটা পাচক গ্রন্থির নাম লিখা । কোনটো অংশত পাচক গ্রন্থিসমূহে নিঃসরণ করা পাচক রসসমূহ আহি পরে ?

উত্তরঃ পাচক রস নিঃসরণ করা দুটা পাচক গ্রন্থির নাম হ’ল- যকৃত (Liver) আরু অগ্নাশয় (Pancreas) । পাচন নলীর ক্ষুদ্রান্ত অংশত পাচক গ্রন্থিসমূহে নিঃসরণ করা পাচক রসসমূহ আহি পরে ।


৫৭। পাকস্থলির পরা অহা অৰ্দ্ধপাচিত খাদ্য কেনে প্রকৃতির হয় ? এই খাদ্যসমূহক কিহে ক্ষারকত পরিৱৰ্তন করে ?

অথবাঃ ৫৮। যকৃত আরু যকৃতর পরা ওলোৱা পিত্তরসর কাম কি?

উত্তরঃ পাকস্থলির পরা অহা অৰ্দ্ধপাচিত খাদ্য আম্লিক প্রকৃতির হয় । এই খাদ্যসমূহক ক্ষারকীয় হোৱা প্রয়োজন যাতে অগ্নাশয় রসর উৎসেচকে ক্রিয়া করিব পারে । যকৃতর পরা নিঃসরিত পিত্তরসে এই অৰ্দ্ধপাচিত খাদ্য ক্ষারকলৈ পরিৱৰ্তন করে আরু খাদ্যর চৰ্বী অংশত ক্রিয়া করে ।


৫৯। কিহর উপস্থিতিত চৰ্বী অণুসমূহ সরল অণুলৈ রূপান্তরিত হয় ?

উত্তরঃ পিত্ত লৱণর উপস্থিতিত চৰ্বী অণুসমূহ সরল অণুলৈ রূপান্তরিত হয় ।


৬০। অগ্নাশয় গ্রন্থিয়ে নিঃসরণ করা অগ্নাশয় রসত থকা দুবিধ উৎসেচকর নাম লিখা ।

উত্তরঃ অগ্নাশয় গ্রন্থিয়ে নিঃসরণ করা অগ্নাশয় রসত থকা দুবিধ উৎসেচকর নাম হ’ল- প্র’টিন বিশ্লেষী উৎসেচক ট্রিপচিন (Trypsin) আরু সরলীকৃত চৰ্বী বিশ্লেষী উৎসেচক লাইপেজ (lipase) থাকে ।



৬১। কিহে আন্ত্রিক রস নিঃসরণ করে ?

উত্তরঃ ক্ষুদ্রান্ত বেরত থকা সরু গ্রন্থিবোরে আন্ত্রিক রস (Intestinal Juice) নিঃসরণ করে ।


৬২। উৎসেচকর তিনিটা কাম লিখা ।

উত্তরঃ উৎসেচকর দুটা কাম হ’ল-

(ক) উৎসেচকবোরে অৱশিষ্ট হিচাপে রৈ যোৱা প্র’টিন অংশক সরল এমিন’ এছিডলৈ রূপান্তর করে ।

(খ) উৎসেচকবোরে শৰ্করাসমূহক গ্লুক’জলৈ সলনি করে ।

(গ) উৎসেচকসমূহে অৱশিষ্ট চৰ্বীসমূহক ফেটি এছিড আরু গ্লিচারললৈ রূপান্তরিত করে ।


৬৩। ভিলাই কি? ইয়ার কাম কি বা ভিলাইর তিনিটা কাম লিখা ?

উত্তরঃ ভিলাই হৈছে- ক্ষুদ্রান্তর বেরত লাগি থকা কিছুমান আঙুলি সদৃশ প্রবৰ্ধক ।  ভিলাইর কাম হ’ল-

(ক) ইহঁতে ক্ষুদ্রান্তর অন্তঃ আৱৰণীর পাচিত খাদ্য শোষণ করে ।

(খ) ভিলাইর রক্তবাহী নলিকাবোরে শোষিত আহার দেহর সকলো কোষলৈ পরিবহন করে ।

(গ) বৃহদান্ত্রত বেরর ভিলাইবোরে খাদ্যাংশর পরা অতিরিক্ত পানীভাগ শোষণ করি লয় ।


৬৪। শোষণ নোহোৱা খাদ্যভাগ কি হয় ?

উত্তরঃ দেহত শোষণ নোহোৱা খাদ্যভাগ ক্ষুদ্রান্তর পশ্চাৎ অংশ বৃহদান্ত্রত প্রবেশ করে । বৃহদান্ত্রত প্রবেশ করার পিছত বৃহদান্ত্রর বেরর ভিলাইবোরে খাদ্যাংশর পরা অতিরিক্ত পানীভাগ শোষণ করি লয় । শোষণ নোহোৱাকৈ রোৱা পদাৰ্থবোর পায়ুইয়েদি দেহর পরা মল (Focal Matter) হিচাপে নিষ্কাশিত হয় ।


৬৫। মল ত্যাগ করা কাৰ্যক কিহে নিয়ন্ত্রণ করে ?

উত্তরঃ মলত্যাগ করা কাৰ্যক স্ফিনেক্টার পেশী (Sphincter Muscle) বোরে নিয়ন্ত্রণ করে ।  


৬৬। দাঁতর কোন দুটা অংশর কোমল হোৱাৰ পিছত দাঁত ক্ষয় হয় ? দাত ক্ষয় হোৱাৰ কারণ কি? দন্তক্ষয় কেনেদরে নিরাময় করিব পারি ?

উত্তরঃ দাঁতর এনামেল আরু ডেন্‌টাইন, এই দুটা অংশর কোমল হোৱাৰ পিছত দাঁত ক্ষয় হয় ।

দাত ক্ষয় হোৱাৰ কারণ হ’ল- দাঁতর গুরিত লাগি থকা খাদ্যর চেনীভাগর ওপরত বেক্টেরীয়াই ক্রিয়া করে । ইয়ার ফলত উৎপন্ন হোৱা অম্লই দাঁতর এনামেল আরু ডেন্‌টাইন অংশ দুটা নরম আরু লৱণমুক্ত করি দিয়ে । ইয়ার ফলতে দন্তক্ষয় হয় ।

দন্তক্ষয় নিরাময় করিবর বাবে খোৱাৰ পিছতে টুথপেষ্ট বা আন ক্ষারজাতীয় দাত ঘহা পদাৰ্থরে/মাধ্যমেরে দাঁত ব্রাছ করি চাফা করিব লাগে ।


৬৭। কাৰ্বনযুক্ত গ্লুক’জ অণু ভাঙি কাৰ্বন অনুযুক্ত পাইরুভেত অণুর সৃষ্টি হোৱা প্রক্রিয়াটো ক’ত সংঘটিত হয় ?

উত্তরঃ কাৰ্বনযুক্ত গ্লুক’জ অণু ভাঙি কাৰ্বন অণুযুক্ত পাইরুভেত অণুর সৃষ্টি হোৱা প্রক্রিয়াটো কোষত কোষপ্ররসত সংঘটিত হয় ।


৬৮। কিণ্বন প্রক্রিয়াটো লিখা ।

উত্তরঃ কিছুমান জীৱই অক্সিজেনর অনুপস্থিতিত গ্লুক’জ অণু সম্পূৰ্ণভাৱে ভাঙি কাৰ্বন ডাই অক্সাইড আরু পানী সৃষ্টি করে । প্রথমে ছটা কাৰ্বনযুক্ত গ্লুক’জ অণু ভাঙি তিনিটা কাৰ্বন অণুযুক্ত পাইরুভেত অণুর সৃষ্টি হয় । এইটো কাৰ্যটো কোষর কোষপ্ররসত সংঘটিত হয় । পাছর পৰ্যায়ত, এই পাইরুভেত্‌ অণুর পরা ইথাইল এলকহ’ল আরু কাৰ্বন ডাই অক্সাইড উৎপন্ন হয় । কিণ্বন প্রক্রিয়াটো ইষ্টর নিচিনা কিছুমান এককোষী জীৱৰ দেহত সংঘটিত হয় ।


৬৯। অবাত শ্বসন আরু সবাত শ্বসন কাক বোলে ? উদাহরণ দিয়া ।

উত্তরঃ কিছুমান জীৱই অক্সিজেনর অনুপস্থিতিত শ্বসন প্রক্রিয়া সাধন করে । অক্সিজেনর অনুপস্থিতিত হোৱা এনে শ্বসন প্রক্রিয়াক অবাত শ্বসন বোলে ।

    উদাহরণস্বরূপে- ইষ্টর দেহত অবাত শ্বসন সংঘটিত হয় ।

      কিছুমান জীৱই অক্সিজেনর উপস্থিতিত শ্বসন প্রক্রিয়া সমাধা করে । অক্সিজেনর উপস্থিতিত হোৱা এনে শ্বসন প্রক্রিয়াক সবাত শ্বসন বোলে ।

    উদাহরণস্বরূপে- মানুহর দেহত সবাত শ্বসন সংঘটিত হয় ।


৭০। অবাত শ্বসন আরু সবাত শ্বসনর মাজত দুটা পাৰ্থক্য লিখা ।

উত্তরঃ অবাত শ্বসন আরু সবাত শ্বসনর মাজত থকা দুটা পাৰ্থক্য হ’ল-

(ক) অবাত শ্বসন অক্সিজেনর অনুপস্থিতিত সংঘটিত হয় ।

    আনহাতে, সবাত শ্বসন অক্সিজেনর উপস্থিতিত সংঘটিত হয় ।

(খ) সবাত শ্বসনত উৎপাদিত শক্তির পরিমাণ অবাত শ্বসনতকৈ বহু পরিমাণে বেছি ।


৭১। আমার পেশী কোষত কেনেকৈ লেক্‌টিক্‌ এছিডর উৎপন্ন হয় ? লেক্‌টিক্‌ এছিড কেইটা কাৰ্বন অণুযুক্ত ? আমার পেশীত শিরামূরি কেতিয়া ধরে ?

উত্তরঃ আমার পেশী কোষত অক্সিজেনর পরিমাণর কমি গ’লে পাইরুভেত অণু ভাঙি লেক্‌টিক্‌ এছিডর উৎপন্ন হয় ।

    লেক্‌টিক্‌ এছিড তিনিটা কাৰ্বন অণুযুক্ত ।

    পেশীকোষত লেক্‌টিক্‌ এছিড উৎপন্ন হ’লে আমার পেশীত হঠাৎ কেতিয়াবা শিরামূরি ধরে ।


৭২। এ.টি.পি (ATP) কোষর দুটা কাৰ্য লিখা ।

উত্তরঃ এ.টি.পি (ATP) কোষর দুটা কাৰ্য হ’ল-

(ক) এ.টি.পির অণু ভাঙি উৎপন্ন হোৱা শক্তি কোষত সংঘটিত কাৰ্যসমূহত ব্যৱহৃত হয় ।

(খ) এণ্ড’থাৰ্মিক বিক্রিয়া ঘটাবর বাবে এ.টি.পির পরা উৎপন্ন হোৱা শক্তি কোষর ব্যৱহার করা হয় ।


৭৩। ATP র তিনিটা ব্যৱহার লিখা ।

উত্তরঃ ATP র তিনিটা ব্যৱহার হ’ল-

(ক) কোষে ATP র সহায়ত পেশীসংকোচন ঘটায় ।

(খ) প্র’টিন সংশ্লেষণ কাৰ্যত ATP র ব্যৱহার হয় ।

(গ) স্নায়ু প্রেরনা পরিবহন করিবর বাবে ATP র ব্যৱহৃত হয় ।


৭৪। পানীর সহায়ত এ.টি.পি অণুত থকা ফছ্‌ফেট অণু ওলাই গলে যি পরিমাণর শক্তি উৎপন্ন হয়, তার পরিমাণ কিমান ?

উত্তরঃ পানীর সহায়ত এ.টি.পি অণুত থকা ফছ্‌ফেট অণু ওলাই গলে যি পরিমাণর শক্তি উৎপন্ন হয়, তার পরিমাণ হৈছে- 30.5 K.J./Mol


৭৫। উদ্ভিদে কেনেদরে বায়ু সংরক্ষণ করি রাখে ?

উত্তরঃ উদ্ভিদে পত্ররন্ধ্রর সহায়ত বায়ু শোষণ করে আরু আন্তঃকোষীয় ঠাইত মজুত রাখে । এই আন্তঃকোষী কোষবোরে ব্যাপন প্রক্রিয়ারে কাৰ্বন ডাই অক্সাইড আরু অক্সিজেন গেছর বিনিময় সংঘটিত করে ।


৭৬। উদ্ভিদে কেনেকৈ শ্বসন কাৰ্য সমাধা করে ?

উত্তরঃ উদ্ভিদে পত্ররন্ধ্রর সহায়ত বায়ু শোষণ করে আরু আন্তঃকোষীয় ঠাইত মজুত রাখে । এই আন্তঃকোষী কোষবোরে ব্যাপন প্রক্রিয়ারে কাৰ্বন ডাই অক্সাইড আরু অক্সিজেন গেছর বিনিময় সংঘটিত করে । ইয়ার পরাই অক্সিজেন কোষবোরলৈ যায় লগতে কোষর পরা কাৰ্বন ডাই অক্সাইড পত্ররন্ধর সহায়ত বায়ুমণ্ডললৈ এরি দিয়ে ।   


৭৭। রাতির ভাগত সালোক সংশ্লেষণ সংঘটিত হয়নে ?

উত্তরঃ রাতির ভাগত সালোক সংশ্লেষণ সংঘটিত নহয় ।


৭৮। দিন/রাতির ভাগতহে CO2 বেছিকৈ নিৰ্গত হয় ?

উত্তরঃ রাতির ভাগতহে CO2 বেছিকৈ নিৰ্গত হয় ।


৭৯। কিয় দিনর ভাগত উদ্ভিদর ক্ষেত্রত CO2 নিৰ্গত নহয় ?

উত্তরঃ দিনর ভাগত উদ্ভিদে শ্বসন প্রক্রিয়াত উৎপন্ন করা কাৰ্বন ডাই অক্সাইড সালোক সংশ্লেষণত প্রয়োগ করে । সেয়েহে, দিনর ভাগত উদ্ভিদর ক্ষেত্রত CO2 নিৰ্গত নহয় ।  


৮০। কিয় রাতির ভাগত উদ্ভিদর ক্ষেত্রত CO2  বেছিকৈ নিৰ্গত হয় ?


উত্তরঃ রাতির ভাগত উদ্ভিদর ক্ষেত্রত CO2  বেছিকৈ নিৰ্গত হয়, কারণ রাতির ভাগত সালোক সংশ্লেষণ সংঘটিত নহয় ।


৮১। জলচৰ প্রাণীবোৰে ক’ৰ পৰা অক্সিজেন শোষণ কৰে ?

উত্তৰঃ জলচৰ প্রাণীবোৰে পানীত দ্রৱীভূত থকা অক্সিজেন শোষণ কৰে ।


৮২। জলচৰ প্রাণীবোৰে কেনেদৰে শ্বসন কাৰ্য্য সমাধা কৰে?

অথবাঃ মাছে কেনেদৰে অক্সিজেন গ্রহণ কৰে ?  

উত্তৰঃ  জলচৰ প্রাণীবোৰে পানীত দ্রৱীভূত থকা অক্সিজেন শোষণ কৰে । কিছুমান জলচৰ প্রাণীবোৰে ফুলৰ সহায়ত উশাহ-নিশাহ লয় । উদাহৰণস্বরূপে- মাছে মুখৰ সহায়েৰে পানীভাগ ফুলৰ মাজেৰে জোৰকৈ এৰি দিয়ে । ইয়াৰ ফলত, ফুলত বিয়পি থকা ৰক্ত নলীকাবোৰে ইয়াৰ পৰা অক্সিজেন ভাগ ধৰি ৰাখে আরু নিজৰ শ্বসন কাৰ্য্য সমাধা কৰে ।


৮৩।কিয় জলচৰ প্রাণীবোৰে স্থলচৰ পানীবোৰতকৈ খৰকৈ উশাহ লয় ?

উত্তৰঃ বায়ুত থকা অক্সিজেনৰ পৰিমাণতকৈ পানীত মিহলি থকা অক্সিজেনৰ পৰিমাণ তুলনামূলকভাৱে কম । সেয়েহে, জলচৰ প্রাণীবোৰে স্থলচৰ পানীবোৰতকৈ খৰকৈ উশাহ লয় ।   


৮৪। স্থলচৰ প্রাণীবোৰৰ শ্বসনাংগবোৰ কেনেধৰণৰ হয় ?

উত্তৰঃ স্থলচৰ প্রাণীবোৰে বায়ুমণ্ডলৰ পৰা অক্সিজেন গ্রহণ কৰে । স্থলচৰ প্রাণীবোৰৰ শ্বসনাংগবোৰ এনেধৰণৰ হয় যে বায়ুমণ্ডলৰ সান্নিধ্যলৈ আহিলেই এই অংগবোৰে অতি সহজে অক্সিজেন শোষণ কৰিব পাৰে । শ্বসনঅংগৰ শ্বসন পৃষ্ঠবোৰ অতিশয় সুষম আরু সুকোমল হয় । সেয়েহে এই শ্বসন পৃষ্ঠবোৰৰ সংক্রমণৰ পৰা হাত সাৰিবৰ বাবে শ্বসনঅংগবোৰ দেহৰ ভিতৰত অৱস্থিত হয় আরু কিছুমান অতিৰিক্ত অংগই সহায় কৰে । উদাহৰণস্বরূপে- নাকৰ বিন্ধাত কিছুমান নোম থাকে যিবোৰে বায়ু ছেকী শ্বসন অংগলৈ সোমায় ।


৮৫। বায়ু ছেকাত সহায় কৰা দুটা অংগৰ নাম লিখা ।

উত্তৰঃ বায়ু ছেকাত সহায় কৰা দুটা অংগৰ নাম হ’ল- নাকৰ বিন্ধাত থকা নোমবোৰ আরু নাসাৰন্ধ্রত থকা শ্লেস্মা ।


৮৬। কিয় শ্বাসনলীৰ মাজেদি বায়ু চলাচল করোঁতে ই চেপেটা হৈ লাগি নধৰে ?

উত্তৰঃ টেটুৰ বায়ু নলীকা ডালত কিছুমান উপাস্থিৰে গঠিত আঙুঠি থাকে । সেয়েহে, শ্বাসনলীৰ মাজেদি বায়ু চলাচল করোঁতে ই চেপেটা হৈ লাগি নধৰে ।


৮৭। নাসাৰন্ধ্রত থকা কোনটো অংশই বায়ু ছেকাত সহায় কৰে ?

উত্তৰঃ নাসাৰন্ধ্রত থকা শ্লেস্মাই বায়ু ছেকাত সহায় কৰে ।       


৮৮। বায়ুকূপ কি? শ্বসনত ইয়াৰ কাম কি?

উত্তৰঃ হাঁওফাঁওৰ ভিতৰত শ্বাসনলীডাল কিছুমান সরু সরু শাখাত বিভক্ত হৈ ক্ষুদ্র ক্ষুদ্র বেলুন সদৃশ অংগৰ সৃষ্টি হয় । বেলুন সদৃশ এই অংগবোৰেই হৈছে- বায়ুকূপ ।

  উশাহ গ্রহণ কৰাৰ সময়ত আমাৰ কামি হাড়বোৰ ওপৰলৈ উঠি যায় । তেতিয়া, মধ্যচ্ছদাখন নিম্নগামী হৈ গতি কৰে আরু বক্ষ গহ্বৰটো ডাঙৰ হৈ পৰে । সেই মূহূৰ্তত, বায়ুকূপবোৰে হাওঁফাওঁৰ পৰা বায়ু গ্রহণ কৰে আরু পৰিপূৰ্ণ হৈ পৰে । এই বায়ুকূপবোৰৰ পৰাই পাছত, তেজে কঢ়িয়াই আনা কাৰ্বন ডাই অক্সাইড বায়ু কোষবোৰত এৰি দিয়ে আরু অক্সিজেন ৰক্তজালিকাই শোষণ কৰি দেহৰ বিভিন্ন কোষত বিতৰণ কৰি দিয়ে ।


৮৯। কিয় শ্বসন অংগই নিৰ্দিষ্ট পৰিমাণৰ অক্সিজেন গ্রহণ আরু কাৰ্বন ডাই অক্সাইড এৰি দিব পাৰে ?

উত্তৰঃ উশাহৰ সময়ত বায়ু গ্রহণ আরু নিশাহত এৰি দিওঁতে হাঁওফাঁওত অৱশিষ্ট বায়ুৰ আয়তন যথেষ্ট থাকে । সেয়েহে, শ্বসন অংগই নিৰ্দিষ্ট পৰিমাণৰ অক্সিজেন গ্রহণ আরু কাৰ্বন ডাই অক্সাইড এৰি দিব পাৰে ।


৯০। প্রানীৰ আকাৰ ডাঙৰ হ’লে কেনেদৰে অক্সিজেন কলাবোৰত বিতৰণ কৰে?

উত্তৰঃ প্রাণীৰ আকাৰ যথেষ্ট ডাঙৰ হ’লে ব্যাপন চাপে দেহৰ সকলো অংশতে অক্সিজেন যথোপযুক্ত পৰিমাণে সৰবৰাহ কৰিব নোৱাৰে । সেয়েহে, হাঁওফাঁওত তেজৰ ৰঞ্জক পদাৰ্থই অক্সিজেন গ্রহণ কৰি অক্সিজেন কমি থকা কলাসমূহত বিতৰণ কৰে ।


৯১। মানুহৰ দেহত থকা তেজৰ ৰঞ্জক পদাৰ্থবিধৰ নাম কি?

উত্তৰঃ মানুহৰ দেহত থকা তেজৰ ৰঞ্জক পদাৰ্থবিধৰ নাম- হিম’গ্লবিন ।


৯২। ক’ত হিম’গ্লবিনবোৰ পোৱা যায় ?

উত্তৰঃ তেজৰ লোহিত ৰক্ত কণিকাত হিম’গ্লবিনবোৰ পোৱা যায় ।


৯৩। কিয় কাৰ্বন ডাই অক্সাইড দ্রৱণীয় অৱস্থাত তেজত পৰিবহন হয় ?

উত্তৰঃ কাৰ্বন ডাই অক্সাইড, অক্সিজেনতকৈ পানীত বেছিকৈ দ্রৱীভূত হয় । সেয়েহে, কাৰ্বন ডাই অক্সাইড দ্রৱণীয় অৱস্থাত তেজত পৰিবহন হয় ।


৯৪। বায়ুকূপবোৰৰ পৃষ্ঠভাগ মেলি দিলে কিমান ঠাই আগুৰিব ?

উত্তৰঃ বায়ুকূপবোৰৰ পৃষ্ঠভাগ মেলি দিলে 80 m2 মান ঠাই আগুৰিব ।


৯৫। যদি ব্যাপন প্রক্রিয়াৰে আমাৰ দেহত অক্সিজেন চলাচল হয়, তেনেহ’লে আমাৰ হাঁওফাঁওৰ পৰা ভৰিৰ আঙুলিলৈকে অক্সিজেনৰ অণু বিয়পি পৰিবলৈ মুঠ কিমান সময় লাগিব ?

উত্তৰঃ যদি ব্যাপন প্রক্রিয়াৰে আমাৰ দেহত অক্সিজেন চলাচল হয়, তেনেহ’লে আমাৰ হাঁওফাঁওৰ পৰা ভৰিৰ আঙুলিলৈকে অক্সিজেনৰ অণু বিয়পি পৰিবলৈ মুঠ প্রায় 3 বছৰ সময় লাগিব ।


৯৬। কিহে আমাৰ দেহত খাদ্যৰ উপাদান, অক্সিজেন আরু বৰ্জিত পদাৰ্থ পৰিবহন কৰে ?

উত্তৰঃ তেজে আমাৰ দেহত খাদ্যৰ উপাদান, অক্সিজেন আরু বৰ্জিত পদাৰ্থ পৰিবহন কৰে ।


৯৭। তেজ এবিধ ______ কলা ।

উত্তৰঃ তেজ এবিধ তৰল সংযোজক কলা ।


৯৮। তেজত থকা তৰল মাধ্যমটোৰ নাম কি?

উত্তৰঃ তেজত থকা তৰল মাধ্যমটোৰ নাম প্লাজমা ।


৯৯। তেজত থকা কিহে দ্রৱীভূত অৱস্থাত খাদ্যবস্তু, কাৰ্বন ডাই অক্সাইড আরু নাইট্র’জেন জাতীয় বৰ্জিত পদাৰ্থবোৰ পৰিবহন কৰে ?

উত্তৰঃ তেজত থকা প্লাজমা অংশই দ্রৱীভূত অৱস্থাত খাদ্যবস্তু, কাৰ্বন ডাই অক্সাইড আরু নাইট্র’জেন জাতীয় বৰ্জিত পদাৰ্থবোৰ পৰিবহন কৰে ।


১০০। কিহে অক্সিজেন কঢ়িয়াই নিয়ে ?

উত্তৰঃ লোহিত ৰক্তকণিকাবোৰে অক্সিজেন কঢ়িয়াই নিয়ে ।


১০১। আমাৰ দেহৰ পাম্পকলটোৰ নাম কি?

উত্তৰঃ আমাৰ দেহৰ পাম্পকলটোৰ নাম হ’ল- হৃদযন্ত্র (Heart) ।


১০২। তেজে পৰিবহন কৰা গেছ দুবিধৰ নাম কি কি?

উত্তৰঃ তেজে পৰিবহন কৰা গেছ দুবিধৰ নাম হ’ল- অক্সিজেন আরু কাৰ্বন ডাই অক্সাইড ।


১০৩। বাঁও অলিন্দ কাক বোলে ?

উত্তৰঃ হাওফাঁওৰ পৰা অক্সিজেনযুক্ত তেজ আহি হৃদযন্ত্রৰ পূৰ্বদেশীয় অংশত থকা বাঁও কোঠালিত আহি পৰে । ইয়াকে বাঁও অলিন্দ বোলে ।


১০৪। বাঁও নিলয় কাক বোলে ?

উত্তৰঃ বাঁও অলিন্দই তেজ সংগ্রহ কৰাৰ পাছত ই সংকুচিত হৈ তাত থকা তেজ ইয়াৰ পশ্চাৎ অংশত থকা কোঠালিলৈ প্রেৰণ কৰে । এই কোঠালীটোক বাঁও নিলয় বোলে ।


১০৫। সোঁ নিলয় কাক বোলে ?

উত্তৰঃ সোঁ অলিন্দ সংকোচন হোৱাৰ সময়ত ইয়াৰ পশ্চাৎ অংশত অৱস্থিত কোঠালীটোৰ দুৱাৰ মুকলৈ হৈ যায় । তেতিয়া, সোঁ অলিন্দৰ পৰা তেজ আহি যিটো কোঠালীত সোমাই পৰে, সেই কোঠালিটোকে সুঁ নিলয় বোলে ।


১০৬। ক’ত অশুদ্ধ তেজ শোধন হয় ?

উত্তৰঃ হাঁওফাঁওত তেজ শোধন হয় ।


১০৭। কিয় আন্তঃনিলয় বেৰখন আন্তঃঅলিন্দৰ বেৰখনতকৈ যথেষ্ট ডাঠ হয় ?

উত্তৰঃ নিলয়ৰ পৰা তেজ দেহৰ বিভিন্ন অংগলৈ পৰিবহন কৰিব লগা হয় । সেয়েহে, আন্তঃনিলয় বেৰখন আন্তঃঅলিন্দৰ বেৰখনতকৈ যথেষ্ট ডাঠ হয় ।


১০৮। হৃদযন্ত্রৰ কিহৰ বাবে দেহৰ বিভিন্ন অংশত যথেষ্ট পৰিমাণৰ অক্সিজেন যোগান ধৰিবৰ বাবে সুবিধা হয় ?

উত্তৰঃ হৃদযন্ত্রত অক্সিজেনযুক্ত বিশুদ্ধ তেজ আরু অক্সিজেন বিহীন অশুদ্ধ তেজ মিহলি নোহোৱাকৈ ৰাখিবৰ নিমিত্তে হৃদযন্ত্রত সোঁফালে আরু বাঁওফালে দুটা পৃথক ভাগ আছে । এই পৃথকীকৰণৰ বাবে দেহৰ বিভিন্ন অংশত যথেষ্ট পৰিমাণৰ অক্সিজেন যোগান ধৰিবৰ বাবে সুবিধা হয় ।


১০৯। পক্ষী আরু স্তন্যপায়ীপ্রাণী বিশেষকৈ মানুহৰ হৃদযন্ত্রটো কেইটা কোঠালীযুক্ত আরু কিয়?

উত্তৰঃ পক্ষী আরু স্তন্যপায়ীপ্রাণী বিশেষকৈ মানুহৰ হৃদযন্ত্রটো চাৰিটা কোঠালীযুক্ত । দেহৰ উষ্ণতা নিয়ন্ত্রণ কৰিবৰ বাবে সদায় এক নিৰ্দিষ্ট পৰিমাণৰ শক্তিৰ প্রয়োজন হয় আরু ইয়াৰ বাবে যথেষ্ট পৰিমাণৰ অক্সিজেনৰ প্রয়োজন । চাৰিটা কোঠালীযুক্ত হৃদযন্ত্রই যথেষ্ট পৰিমাণৰ অক্সিজেন পক্ষী আরু স্তন্যপায়ীপ্রাণীবোৰক যোগান ধৰিব পাৰে ।


১১০। উভচৰ আরু বহুত প্রকাৰৰ সৰীসৃপ প্রাণীৰ হৃদযন্ত্রটো কেইটা কোঠালীযুক্ত ? আরু কিয় ?

উত্তৰঃ উভচৰ আরু বহুত প্রকাৰৰ সৰীসৃপ প্রাণীৰ হৃদযন্ত্রটো তিনিটা কোঠালীযুক্ত । এই প্রকাৰৰ প্রাণীবোৰে অক্সিজেনযুক্ত আরু অক্সিজেনবিহীন তেজৰ মিহলি ঘটিলেও পৰিৱেশৰ উষ্ণতাৰ লগত সহনশীল হৈ চলিব পৰা ক্ষমতা থাকে ।


১১১। মৎস শ্রেণীৰ প্রাণীৰ হৃদযন্ত্র কেইটা কোঠালী যুক্ত ? এই প্রাণীবোৰৰ হৃদযন্ত্রত কেনেদৰে তেজ পৰিবাহিত হয় ? মৎস শ্রেণীৰ প্রাণীৰ ক্ষেত্রত তেজৰ গতিপথৰ এটা পূৰ্ণ চক্র বা আবৰ্ত সম্পূৰ্ণ কৰোতে হৃদযন্ত্রৰ মাজেৰে তেজ কিমানবাৰ পৰিবাহিত হয়?

উত্তৰঃ মৎস শ্রেণীৰ প্রাণীৰ হৃদযন্ত্র দুটা কোঠালী যুক্ত ।

  এনে প্রাণীবোৰৰ দেহত হৃদযন্ত্রৰ পৰা তেজ অক্সিজেন গ্রহণৰ বাবে ফুললৈ যায় আরু অক্সিজেন লৈ দেহৰ বিভিন্ন অংশবোৰত বিতৰন কৰে ।

    মৎস শ্রেণীৰ প্রাণীৰ ক্ষেত্রত তেজৰ গতিপথৰ এটা পূৰ্ণ চক্র বা আবৰ্ত সম্পূৰ্ণ কৰোতে হৃদযন্ত্রৰ মাজেৰে তেজ এবাৰহে পৰিবাহিত হয় ।


১১২। তেজৰ একক পৰিবহন আরু দ্বৈত পৰিবহন কাক বোলে ?

উত্তৰঃ মৎস শ্রেণীৰ প্রাণীৰ ক্ষেত্রত তেজৰ গতিপথৰ এটা পূৰ্ণ চক্র বা আবৰ্ত সম্পূৰ্ণ কৰোতে হৃদযন্ত্রৰ মাজেৰে তেজ এবাৰহে পৰিবাহিত হয় । ইয়াকে তেজৰ একক পৰিবহন বোলে ।

  আনহাতে, মেরুদণ্ডী প্রাণীবোৰৰ ক্ষেত্রত তেজ চলাচলৰ এটা চক্র সম্পূৰ্ণ হবৰ বাবে হৃদযন্ত্রৰ মাজেৰে দুবাৰকৈ পৰিবাহিত হ’ব লাগে । ইয়াকে তেজৰ দ্বৈত পৰিবহন বোলে ।     


১১৩। মেরুদণ্ডী প্রাণীবোৰৰ ক্ষেত্রত তেজ চলাচলৰ এটা চক্র সম্পূৰ্ণ হবৰ বাবে হৃদযন্ত্রৰ মাজেৰে কিমানবাৰ পৰিবাহিত হ’ব লাগে ?

উত্তৰঃ মেরুদণ্ডী প্রাণীবোৰৰ ক্ষেত্রত তেজ চলাচলৰ এটা চক্র সম্পূৰ্ণ হবৰ বাবে হৃদযন্ত্রৰ মাজেৰে দুবাৰকৈ পৰিবাহিত হ’ব লাগে ।


১১৪। ৰক্ত চাপ (Blood Pressure) কি? ইয়াৰ ভাগ কেইটা আরু কি কি? ইয়াৰ মাত্রাকেইটা লিখা । ৰক্তচাপ জোখা যন্ত্রটোৰ নাম কি?

উত্তৰঃ ৰক্তচাপ হ’ল- তেজে ৰক্ত নলীকাৰ বেৰৰ বিপৰীতে প্রয়োগ কৰা এক শক্তি বা চাপ । ইয়াৰ ভাগ দুটা ।

নিলয় সংকোচনৰ সময়ত ধমনীৰ ভিতৰত প্রয়োগ হোৱা চাপক চিষ্ট’লিক চাপ (Systolic Pressure) বোলে । লগতে, নিলয়ৰ শিথিল অৱস্থাত ধমনীত প্রয়োগ হোৱা চাপক ডায়েষ্ট’লিক চাপ (Diastolic Pressure) বোলে ।

ৰক্তচাপ জোখা যন্ত্রটোৰ নাম হ’ল- স্ফাইগম’মেন’মিটাৰ(Sphygmomanometer) ।


১১৫। সাধাৰণ চিষ্ট’লিক চাপ আরু ডায়েষ্ট’লিক চাপৰ মাত্রা কিমান ?

উত্তৰঃ সাধাৰণ চিষ্ট’লিক চাপৰ মাত্রা- 120mm আরু ডায়েষ্ট’লিক চাপৰ মাত্রা- 80mm


১১৬। তেজৰ উচ্চ চাপক কি বুলি কোৱা হয়? কেতিয়া মানুহৰ উচ্চ ৰক্ত চাপ হয়? ইয়াৰ ফলত কি হয় ?

উত্তৰঃ তেজৰ উচ্চ চাপক ‘হাইপাৰ টেনচন’ বুলি কোৱা হয় ।

  ধমনী চেপাখাই সংকোচন হোৱাৰ কাৰণে উচ্চ ৰক্ত চাপ হয় । ইয়াৰ ফলত তেজ প্রবাহৰ প্রতিৰোধ বাঢ়ি যায় আরু উচ্চ ৰক্তচাপৰ কাৰণে কেতিয়াবা ধমনী ফাটি অন্তঃ ৰক্তক্ষৰণ হয় ।


১১৭। ধমনীবোৰ কি? ধমনীবোৰৰ কাম কি?

উত্তৰঃ ধমনীবোৰ হ’ল এক প্রকাৰৰ ৰক্তনলীকা ।

  ধমনীবোৰৰ কাম হ’ল- হৃদযন্ত্রৰ পৰা দেহৰ আন আন অংগসমূহলৈ তেজ কঢ়িয়াই নিয়া ।   


১১৮। কিয় ধমনীবোৰৰ বেৰখন ডাঠ আরু স্থিতিস্থাপক গুণসম্পন্ন ?

উত্তৰঃ      

 উচ্চ চাপৰ ফলত হৃদযন্ত্রৰ পৰা সাধাৰণতে তেজ ওলাই আহে । সেয়েহে ধমনীবোৰৰ বেৰখন ডাঠ আরু স্থিতিস্থাপক গুণসম্পন্ন ।


১১৯। দেহৰ সিৰাবোৰৰ কাম কি?

উত্তৰঃ দেহৰ সিৰাবোৰে দেহৰ বিভিন্ন অংগসমূহৰ পৰা তেজ কঢ়িয়াই আরু পাছত হৃদযন্ত্রলৈ উভতাই আনে ।


১২০। সিৰাবোৰৰ বেৰখন কিয় ডাঠ নহয় ?

উত্তৰঃ সিৰাবোৰৰ বেৰখন ডাঠ নহয়, কাৰণ অধিক সময় ধৰি সিৰাবোৰত বেছি চাপ নপৰে ।


১২১। কিয় তেজৰ পৰিবহন একমুখী ?

উত্তৰঃ সিৰাবোৰৰ বেৰখন ডাঠ নহয়, কাৰণ অধিক সময় ধৰি সিৰাবোৰত বেছি চাপ নপৰে । ইয়াৰ সলনি, সিৰাবোৰত ক’পাট থাকে । সেয়েহে তেজৰ পৰিবহন একমুখী ।


১২২। ৰক্তজালিকা কাক বোলে?

উত্তৰঃ ধমনীবোৰ কোনো এক অংগত বা কলাত সোমাই পৰাৰ পাছত এইসমূহ ভাগ হয় আরু সরু সরু নলীকাৰ সৃষ্টি কৰি প্রতিটো কোষক স্পৰ্শ কৰে । এই সরু ৰক্ত নলীকাবোৰ এককোষী আরু আৱৰণযুক্ত হয় । ইয়াকে ৰক্তজালিকা বোলে ।


১২৩। সিৰা কেনেদৰে গঠন হয়? ইয়াৰ কাম কি?

উত্তৰঃ তেজ আরু ৰক্তজালিকাৰ পাতল বেৰৰ মাজত পদাৰ্থৰ বিনিময় ঘটে । এই ৰক্তজালিকাবোৰ পুনৰ লগ লাগি সিৰা গঠন হয় ।

  সিৰাবোৰে দেহৰ বিভিন্ন অংগ আরু কলাবোৰৰ পৰা তেজ হৃদযন্ত্রলৈ কঢ়িয়াই নিয়ে ।


১২৪। সাধাৰণতে কেতিয়া ৰক্তক্ষৰণ হয় বা তেজ উলায় ? কিয় এই ৰক্তক্ষৰণ বন্ধ কৰাটো প্রয়োজন ?

উত্তৰঃ ৰক্ত নলীকাৰে গঠিত জালিকা ফুটিলে ৰক্তক্ষৰণ বা তেজ উলায় ।

এই ৰক্তক্ষৰণ বন্ধ কৰাটো প্রয়োজন কাৰণ, ৰক্তক্ষয়ৰ ফলত ৰক্তচাপ কমি যায় আরু লাহে লাহে তেজ পৰিবহন প্রতিৰোধ কমি যায় ।


১২৫। কিহে আরু কেনেকৈ আমাৰ ৰক্তক্ষৰণ বা তেজ ওলোৱা বন্ধ কৰে ?

উত্তৰঃ তেজৰ অনুচক্রিকাসমূহ ৰক্তপৰিবহন তন্ত্রৰ জৰিয়তে দেহত বিয়পি থাকে । এই অনুচক্রিকাসমূহে ৰক্তক্ষৰণ বা তেজ ওলোৱা ঠাইত তেজ গোট মাৰি ৰক্তক্ষৰণ বা তেজ ওলোৱা বন্ধ কৰে  ।


১২৬। লসিকা কি বা কাক বোলে ? ইয়াৰ দুটা কাম উল্লেখ কৰা ।

উত্তৰঃ ৰক্ত কেশিকাৰ বেৰত থকা ছিদ্রৰ মাজেৰে কিছুমান প্লাজমা প্র’টিন আরু ৰক্তকোষ ওলাই আহি কলাৰ আন্তঃকোষীয় স্থানত তৰল পদাৰ্থ গঠন কৰে । এই তৰল পদাৰ্থবোৰকে লসিকা বোলে ।

  লসিকাৰ দুটা কাম হ’ল-

(ক) লসিকাবোৰে অন্ত্রৰ পৰা পাচিত আরু শোষণ হোৱা চৰ্বী অংশ কঢ়িয়াই আনে ।

(খ) লসিকাই, অতিৰিক্ত তৰল পদাৰ্থভাগ অন্তঃকোষীয় স্থানৰ পৰা তেজলৈ উভতাই আনে ।


১২৭। তেজ আরু লসিকাৰ মাজৰ দুটা সাদৃশ্য আরু দুটা বৈসাদৃশ্য বা পাৰ্থক্য লিখা ।

উত্তৰঃ তেজ আরু লসিকাৰ মাজৰ দুটা সাদৃশ্য হ’ল-

(ক) তেজ আরু লসিকা, দুয়ুবিধ তৰল পদাৰ্থ ।

(খ) লসিকাবোৰ তেজৰ প্লাজমাৰ দৰে প্রায় একে ।


তেজ আরু লসিকাৰ মাজৰ দুটা বৈসাদৃশ্য বা পাৰ্থক্য হ’ল-

(ক) তেজৰ রং ৰঙা আনহাতে, লসিকাবোৰ বৰণহীন ।

(খ) তেজতকৈ লসিকাত প্র’টিনৰ পৰিমাণ কম থাকে ।


১২৮। উদ্ভিদৰ বাবে লাগতিয়াল/প্রয়োজনীয় তিনিবিধ কেচা সামগ্রীৰ নাম লিখা ।

উত্তৰঃ উদ্ভিদৰ বাবে লাগতিয়াল/প্রয়োজনীয় তিনিবিধ কেচা সামগ্রীৰ নাম হ’ল- নাইট্র’জেন, ফছফৰাছ, আরু খনিজ পদাৰ্থ ।


১২৯। উদ্ভিদ দেহত পৰিবহন কেনেদৰে হয় ?

অথবাঃ উদ্ভিদৰ দেহৰ পৰিবহন তন্ত্রৰ কাম কি?

উত্তৰঃ উদ্ভিদে নাইট্র’জেন, ফছফৰাছ, খনিজ পদাৰ্থ আদিবোৰ শিপাৰ সহায়েৰে মাটিৰ পৰা সংগ্রহ কৰে । উদ্ভিদে ব্যাপন প্রক্রিয়াৰ মাধ্যমেৰে গোটেই উদ্ভিদৰ অংগবোৰলৈ শক্তি আরু কেঁচা সামগ্রীবোৰ কঢ়িয়াই নিয়ে ।

    উদ্ভিদৰ পৰিবহন তন্ত্রই পাতত সঞ্চিত শক্তি আরু শিপাৰ পৰা কেঁচা সামগ্রীসমূহ সৰবৰাহ কৰে । পাতৰ পৰা আরু শিপাৰ পৰা এই দুই সৰবৰাহৰ পথ সংবহন নলীকাৰে গঠিত । ইয়াৰে এটা জাইলেম কলাৰে গঠিত যিটো কলাই পানী, খনিজ লৱণ, নাইট্র’জেন, ফছফৰাছ, আদি কেঁচা সামগ্রী মাটিৰ পৰা পৰিবহন কৰে । আনটো সৰবৰাহৰ পথ ফ্ল’ৱেম কলাৰে গঠিত যি কলাই সালোক সংশ্লেষণ প্রক্রিয়াত উৎপাদিত দ্রৱ্যবিলাক পাতৰ পৰা উদ্ভিদৰ দেহৰ অন্যান্য ঠাইলৈ সৰবৰাহ কৰে ।

১৩০। জাইলেম ক’লা আরু ফ্ল’ৱেম ক’লাৰ কাম কি?

উত্তৰঃ জাইলেম কলাই পানী, খনিজ লৱণ, নাইট্র’জেন, ফছফৰাছ, আদি কেঁচা সামগ্রী মাটিৰ পৰা পৰিবহন কৰে ।

আনহাতে, ফ্ল’ৱেম কলাই সালোক সংশ্লেষণ প্রক্রিয়াত উৎপাদিত দ্রৱ্যবিলাক পাতৰ পৰা উদ্ভিদৰ দেহৰ অন্যান্য ঠাইলৈ সৰবৰাহ কৰে ।


১৩১। উদ্ভিদৰ পানী পৰিবহণৰ প্রক্রিয়াটো লিখা ।

উত্তৰঃ উদ্ভিদৰ দেহত থকা জাইলেম কলাৰ নলিকাবোৰে উদ্ভিদৰ শিপা, কাণ্ড আরু পাতৰ পৰস্পৰৰ মাজত এক সংযোগ ঘটাই গছৰ গোটেই দেহটোলৈ পানীৰ সৰবৰাহ কৰিবৰ বাবে এক সুতিৰ সৃষ্টি কৰে ।

    মাটিৰ লগত সংস্পৰ্শ কৰি থকা শিপাৰ কোষবোৰে শিপা আরু মাটিৰ মাজত এক আয়নৰ গাঢ়তাৰ তাৰতম্যৰ সৃষ্টি কৰে । সেইকাৰণে, শিপাই এই তাৰতম্য দূৰ কৰিবৰ নিমিত্তে মাটিৰ পৰা পানী শোষণ কৰে । লগতে, পাতৰ কোষবোৰে পানীৰ অণুবিলাক বাষ্পকাৰে এৰি দিয়াৰ ফলত পাতত এক শোষণ বলৰ সৃষ্টি হয় আরু এই শোষণ বলৰ বাবেই জাইলেম কলাই পানী শোষণ কৰে ।  

       ইয়াৰ ফলস্বরূপে, জাইলেম কলালৈ এক নিয়মীয়া ভাৱে পানীৰ প্রবাহ চলি থাকে আরু এই প্রবাহে পানীৰ এক স্তম্ভৰ সৃষ্টি কৰি নিয়মিয়াকৈ পানী ওপৰলৈ ঠেলি থাকে । এই চাপৰ ফলতে উদ্ভিদৰ উচ্চতালৈকে আরু বিভিন্ন অংশলৈ পানী গতি কৰিব পাৰে বা পৰিবহন কৰে ।


১৩২। পত্রমোচন বা বাষ্পমোচন (Transpiration)    কাক বোলে ? এই প্রক্রিয়াটোয়ে পানীৰ পৰিবহনত কেনেদৰে সহায় কৰে ?অথবাঃ পত্রমোচন বা বাষ্পমোচন (Transpiration) প্রক্রিয়াৰ দুটা সহায়/কাম উল্লেখ কৰা ।  

উত্তৰঃ উদ্ভিদে শোষণ কৰা অতিৰিক্ত পানীভাগ বায়বীয় অংগই বাষ্পকাৰে এৰি দিয়ে । এই প্রক্রিয়াটোকে পত্রমোচন বা বাষ্পমোচন (Transpiration) বোলে ।

পত্রমোচন বা বাষ্পমোচন (Transpiration) প্রক্রিয়াৰ তিনিটা সহায়/কাম হ’লঃ

(ক)পত্রমোচন বা বাষ্পমোচন প্রক্রিয়াই পানী আরু পানীত দ্রৱীভূত খনিজ লৱণবোৰ শোষণ কৰাত সহায় কৰে ।

(খ)লগতে, এই প্রক্রিয়াই শিপাৰ পৰা পাতলৈ ঊৰ্ধমুখী গতি লাভ কৰাত সহায় কৰে ।

(গ)পত্রমোচন বা বাষ্পমোচন প্রক্রিয়াই গছৰ/উদ্ভিদৰ তাপমাত্রা নিয়ন্ত্রণ কৰি ৰাখে ।

(ঘ) দিনৰ ভাগত যেতিয়া পত্রৰন্ধ্রৰ ছিদ্র মুকলৈ হৈ থাকে তেতিয়া এই প্রক্রিয়াই জাইলেম কলাৰ মাজেৰে পানী পৰিবাহিত হৈ থকাত মুখ্য ভূমিকা গ্রহণ কৰে ।



১৩৩। কেতিয়া পত্র ৰন্ধ্রৰ ছিদ্র মুকলি হৈ থাকে ?

উত্তৰঃ দিনৰ ভাগত পত্র ৰন্ধ্রৰ ছিদ্র মুকলি হৈ থাকে ।


১৩৪। উদ্ভিদৰ দেহত আহাৰ আরু অন্যান্য দ্রৱ্যৰ পৰিবহন কেনেদৰে হয়?

উত্তৰঃ উদ্ভিদৰ দেহত থকা ফ্ল’ৱেম কলাই বিপাকীয় আরু সালোক সংশ্লেষণ প্রক্রিয়াত উৎপন্ন হোৱা দ্রৱনীয় পদাৰ্থবোৰৰ সেই ঠাইৰ পৰা উদ্ভিদৰ দেহৰ অন্য স্থানলৈ পৰিবহন কৰে । ফ’ৱেম ক’লাই এমিন’ এচিডো পৰিবহন কৰে । লগতে, উদ্ভিদৰ দেহত থকা চালনি নলীকা আরু তাৰ গাতে লাগি থকা সংগী কোষবোৰে খাদ্য আরু অন্যান্য পদাৰ্থবোৰ উদ্ভিদৰ দেহৰ সংবহন বা স্থানান্তৰণৰ উৰ্ধমুখী আরু অধোমুখী দুয়ুটা দিশতে সহায় কৰে ।  


১৩৫। খাদ্য সংবহন বা খাদ্য স্থানান্তৰণ কাক বোলে? উদ্ভিদৰ কোনবিধ কলাৰ যোগেদি এই কাৰ্য সম্পন্ন হয় ?

উত্তৰঃ উদ্ভিদৰ সালোক সংশ্লেষণ প্রক্রিয়াত উৎপাদিত দ্রৱণীয় পদাৰ্থবিলাকৰ পৰিবহনক খাদ্য সংবহন বা খাদ্য স্থানান্তৰণ বোলে । উদ্ভিদৰ ফ্ল’ৱেম কলাৰ যোগেদি এই কাৰ্য সম্পন্ন হয় ।


১৩৬। “জাইলেম কলাৰ যোগেদি হোৱা সংবহন আরু ফ্ল’ৱেমৰ যোগেদি সংঘটিত খাদ্য সংক্রমণ বা খাদ্য স্থানান্তৰণ প্রক্রিয়া দুটা একে নহয় ।”- ব্যাখ্যা কৰা ।

অথবাঃ জাইলেম কলা আরু ফ্ল’ৱেম কলাৰ মাজত পাৰ্থক্য লিখা ।

উত্তৰঃ “জাইলেম কলাৰ যোগেদি হোৱা সংবহন আরু ফ্ল’ৱেমৰ যোগেদি সংঘটিত খাদ্য সংক্রমণ বা খাদ্য স্থানান্তৰণ প্রক্রিয়া দুটা একে নহয় ।” জাইলেম কলা আরু ফ্ল’ৱেম কলাৰ মাজত থকা পাৰ্থক্যসমূহ হ’ল-

(ক) জাইলেম কলাৰ জৰিয়তে হোৱা সংবহনক সৰল ভৌতিক বলৰ সহায়ত সংঘটিত হয় ।

  আনহাতে, ফ্ল’ৱেম কলাৰ যোগেদি হোৱা সংবহন শক্তি ব্যৱহাৰ কৰিহে সম্পন্ন হয় ।

(খ)জাইলেম কলাই পানী, খনিজ লৱণ, নাইট্র’জেন, ফছফৰাছ, আদি কেঁচা সামগ্রী মাটিৰ পৰা পৰিবহন কৰে ।

আনহাতে, ফ্ল’ৱেম কলাই সালোক সংশ্লেষণ প্রক্রিয়াত উৎপাদিত দ্রৱ্যবিলাক পাতৰ পৰা উদ্ভিদৰ দেহৰ অন্যান্য ঠাইলৈ সৰবৰাহ কৰে ।


১৩৭। জাইলেম কলাৰ সংবহনত ব্যৱহাৰ হোৱা বল বিধৰ নাম কি?

অথবাঃ কি বলৰ মাধ্যমেৰে জাইলেম কলাৰ সংবহন সংঘটিত হয় ?

উত্তৰঃ সৰল ভৌতিক বলৰ মাধ্যমেৰে জাইলেম কলাৰ সংবহন সংঘটিত হয় ।


১৩৮। কেনেকৈ ফ্ল’ৱেম কলাৰ মাধ্যমেৰে পানী আরু আন পদাৰ্থবোৰ সৰবৰাহ হয়? উদাহৰণসহ বুজাই লিখা ।

উত্তৰঃ চুক্রুজৰ নিচিনা পদাৰ্থবোৰ ফ্ল’ৱেম কলাৰ ভিতৰলৈ স্থানান্তৰণ হওঁতে ATP ৰ পৰা আহৰণ কৰা শক্তি ব্যৱহাৰ কৰে । ইয়াৰ জৰিয়তে, ফ্ল’ৱেমৰ আসৃতি চাপ বৃদ্ধি হয় আরু ইয়াৰ ফলত পানী তাৰ ভিতৰলৈ গতি কৰে । এই চাপৰ সহায়ৰ মাধ্যমেৰে পদাৰ্থবোৰ কম চাপযুক্ত ফ্ল’ৱেম কলালৈ গতি কৰে । যাৰ ফলত, উদ্ভিদ দেহৰ প্রয়োজনীয় অংশলৈ ফ্ল’ৱেম কলাই খাদ্য বা পদাৰ্থৰ সংবহন কৰে ।

    উদাহৰণস্বরূপে- বসন্ত কালত মূল বা শিপা আরু কাণ্ডৰ কলাবিলাকত সঞ্চিত শৰ্কৰাবোৰ বিকশিত হোৱা কুমলীয়া কলিবোৰলৈ সংবহন ঘটি শক্তিৰ যোগান ধৰে ।


১৩৯। ৰেচন (Excretion) কাক বোলে ?

উত্তৰঃ দেহৰ জৈৱ ৰাসায়নিক প্রক্রিয়াত উৎপন্ন হোৱা নাইট্র’জেন জাতীয় আরু আন আন অলাগতিয়াল পদাৰ্থসমূহ দেহৰ পৰা নিষ্কাশন কৰাতো নিতান্তই প্রয়োজন । জৈৱ ৰাসায়নিক প্রক্রিয়াবোৰে এই উপাজাত পদাৰ্থসমূহ দেহৰ পৰা বৰ্জন কৰা প্রক্রিয়াকে ৰেচন বোলে ।  


১৪০। এককোষী জীৱই কেনেদৰে ৰেচন কাৰ্য সমাধা কৰে ?

উত্তৰঃ এককোষী জীৱবোৰে সাধাৰণ ব্যাপন প্রক্রিয়াৰ মাধ্যমেৰে কোষাবৰণৰ মাজেৰে উপজাত পদাৰ্থ দেহৰ পৰা পাৰিপাৰ্শ্বিকৰ পানীত বৰ্জন কৰি ৰেচন কাৰ্য সমাধা কৰে ।


১৪১। মানুহৰ ৰেচন তন্ত্রটো কি কি অংগৰে গঠিত ?

উত্তৰঃ মানুহৰ ৰেচন তন্ত্রটো এযোৰ বৃক্ক (Kidney), এযোৰ মূত্রনলী, এটা মূত্রথলী আরু এটা মূত্র নিষ্কাশন নলীৰ দ্বাৰা গঠিত ।


১৪২। মানুহৰ বৃক্ক দুটা ক’ত অৱস্থিত ?

উত্তৰঃ দেহৰ উদৰ অংশত মেরুদণ্ডৰ দুয়ুকাষে মানুহৰ বৃক্ক দুটা অৱস্থিত ।


১৪৩। আমাৰ দেহৰ মূত্র কেনেকৈ নিষ্কাশন হয় ?

উত্তৰঃ আমাৰ দেহৰ বৃক্ক দুটাত উৎপন্ন হোৱা মূত্র মূত্রবাহী নলীয়েদি আহি মূত্রথলীত জমা হয় । এই মূত্রথলীৰ পৰা নিৰ্দিষ্ট এক সময়ে সময়ে মূত্র নিষ্কাশন নলীৰ মাধ্যমেদি দেহৰ পৰা বাহিৰ কৰা হয় ।


১৪৪। মূত্র কেনেকৈ উৎপন্ন হয় ?

অথবাঃ মূত্র বাহিৰ কৰা প্রক্রিয়াটো লিখা ।

অথবাঃ মানুহৰ ৰেচন প্রক্রিয়াটো ব্যাখ্যা কৰা ।

উত্তৰঃ মূত্র উৎপন্নৰ উদ্দেশ্যে তেজৰ পৰা পদাৰ্থবোৰ চেকী বাহিৰ কৰি দিয়া হয় । নাইট্র’জেন জাতীয় উপজাত পদাৰ্থ বিশেষকৈ ইউৰিয়া, ইউৰিক এছিড আদি অলাগতিয়াল পদাৰ্থসমূহ বৃক্কত তেজৰ পৰা পৃথক কৰা হয় । বৃক্কত থকা পাতল বেৰৰ ৰক্তজালিকাবোৰে তেজ চেকাত সহায় কৰে । লগতে, বৃক্কত থকা নেফ্রনে প্রাথমিক অৱস্থাত  গ্লুক’জ, লৱণ, এমিন’ এছিড আরু প্রচুৰ পৰিমাণৰ পানী চেকাৰ পাছত পাছৰ নলীকা অংশত অধিশোষণ কৰে । দেহত কিছুমান অতিৰিক্ত পানী থাকে আরু কিমান পৰিমাণৰ দ্রৱীভূত বৰ্জিত পদাৰ্থ তেজত থাকে সেই অনুপাতে পানীভাগ অধিশোষন কৰি মূত্রৰ সৃষ্টি কৰে ।

  বৃক্কত উৎপন্ন হোৱা মূত্র নেফ্রনৰ দীঘল নলীকা মূত্রনলীলৈ সোমাই আহে আরু মূত্রথলীত জমা হয় । মূত্রথলীৰ চাপৰ প্রভাৱত জমা হোৱা মূত্র মূত্রনলীৰে মূত্র সময়ে সময়ে বাহিৰ কৰা হয় ।


১৪৫। নেফ্রন কি বা কাক বোলে? ইয়াৰ কাম কি?

উত্তৰঃ বৃক্কত অসংখ্য পাতল বেৰৰ ৰক্তজালিকা থাকে । এই ৰক্তজালিকাবোৰে বৃক্কত লগ লাগি কাপ সদৃশ নলীকা গঠন কৰে । বৃক্কত থকা এনে নলীকাৰ এককবোৰকে নেফ্রন বোলে । নেফ্রনবোৰে তেজ চেকাত সহায় কৰে । লগতে, নেফ্রনে প্রাথমিক অৱস্থাত  গ্লুক’জ, লৱণ, এমিন’ এছিড আরু প্রচুৰ পৰিমাণৰ পানী চেকাৰ পাছত পাছৰ নলীকা অংশত অধিশোষণ কৰে ।


১৪৬। আমি কিয় প্রেস্রাৱ কৰা তাড়ণাক নিয়ন্ত্রণ কৰিব পাৰো ?

উত্তৰঃ মূত্র থলীটো পেশীযুক্ত আরু ই স্নায়ুৰ দ্বাৰা নিয়ন্ত্রিত হয় । সেয়েহে, আমি প্রেস্রাৱ কৰা তাড়ণাক নিয়ন্ত্রণ কৰিব পাৰো ।


১৪৭। কৃত্রিক বৃক্কৰ সহায়ত কেনেদৰে ৰেচন কাৰ্য সমাধা হয় ?

অথবাঃ মানুহৰ বৃক্ক (Kidney) বিকল/বেয়া হ’লে কেনেদৰে কৃত্রিম বৃক্কৰ সহায়ৰ ৰেচন কৰা হয়?

উত্তৰঃ কৃত্রিম বৃক্কটো অৰ্ধভেদ্য আৱৰণযুক্ত কিছুমান নলীকাৰে গঠিত । এই কৃত্রিম বৃক্ক পাত্র এটাত ভ্রমঝেলী দ্রৱত ডুৱাই ৰখা হয় । এনে দ্রৱ আরু তেজৰ আসৃতি চাপ একে হয় । কৃত্রিম বৃক্কৰ নলীকাবোৰৰ মাজেদি ৰোগীৰ তেজ যাবলৈ দিয়া হয় । এই কাৰ্যত, ৰোগীৰ তেজত উৎপন্ন হোৱা বৰ্জিত পদাৰ্থবোৰ ব্যাপন প্রক্রিয়াৰ মাধ্যমেৰে ভ্রমঝেলিত সোমাই পৰে । এই প্রক্রিয়াত শোধন হোৱা তেজখিনি পাম্পৰ সহায়েৰে ৰোগীৰ শৰীৰলৈ পুনৰ উভতাই পঠিওৱা হয় । এই প্রক্রিয়া সাধাৰণ বৃক্কৰ ক্রিয়াৰ দৰে একে হয় কিন্তু ইয়াত অধিশোষণ নহয় ।


১৪৮।সাধাৰণ বৃক্ক আরু কৃত্রিম বৃক্কৰ মাজত পাৰ্থক্য কি?

উত্তৰঃ কৃত্রিম বৃক্ক সাধাৰণ বৃক্কৰ ক্রিয়াৰ দৰে একে হয় কিন্তু ইয়াত অধিশোষণ নহয় । এইটোয়ে ইয়াৰ মূল পাৰ্থক্য ।


১৪৯। উদ্ভিদৰ ৰেচন ক্রিয়া কেনেদৰে সমাধা কৰে ?

অথবাঃ উদ্ভিদৰে ৰেচন ক্রিয়া সম্পৰ্কে লিখা

উত্তৰঃ উদ্ভিদে বাষ্পমোচন প্রক্রিয়াৰে অত্যাধিক পানীভাগ এৰি দিয়ে । উদ্ভিদে অন্যান্য বৰ্জিত পদাৰ্থসমূহ উদ্ভিদৰ মৃত কোষৰ কলাবোৰৰ জৰিয়তে আরু পাতৰ দৰে সৰি পৰা অংগৰ মাধ্যমেৰে ৰেচন ক্রিয়া সম্পাদন কৰে । অধিকাংশক বৰ্জিত পদাৰ্থ উদ্ভিদৰ কোষৰ ৰসধানিত থাকে । কিছুমান উৎপাদিত বৰ্জিত পদাৰ্থ বিশেষকৈ পূৰঠ জাইলেম কলাত ৰেজিন আরু আঠা হিচাপে সঞ্চিত হৈ থাকে । লগতে, কিছুমান বৰ্জিত পদাৰ্থ উদ্ভিদে মাটিত উলিয়াই দি ৰেচন ক্রিয়া সমাধা কৰে ।


১৫০। উদ্ভিদে কি প্রক্রিয়াৰ মাধ্যমেৰে অত্যাধিক পানীভাগ এৰি দিয়ে ?

উত্তৰঃ উদ্ভিদে বাষ্পমোচন প্রক্রিয়াৰ মাধ্যমেৰে অত্যাধিক পানীভাগ এৰি দিয়ে ।